15 نصيحة للبنات قبل دخول الجامعة

أي بنت رايحه سنه اولي جامعه تعالي اقولك ايه الاساسيات اللي لازم تبقي ف دولابك من لبس وميك أب.

 

قبل ما نبدأ في أي حاجة لازم تحطي النقطة دي قدام عينك حتي لو هتعلقيها في الأوضة وهي إنك رايحة الجامعة يعني الهدف الأساسي والرئيسي والأول والأخير أنك تتعلمي.

1:الاكسسوار بتاعك لازم يكون سمبل ورقيق انتي مش رايحه فرح يعني كفايه حلق  وخاتم وسلسله حاجه كده رقيقه وهاديه.

 

2:تاني حاجه لازم يكون عندك شنطه كبيره ويفضل الجلد بتاعها يكون طري لانها هتشيل كتب ومراجع والمحفظه بتاعتك ونضارتك وخلافه يعني شنطة عملية مش مجرد منظر وخلاص.

 

3: هاتي جزمه مريحه او كوتش لانك هتتحركي كتييير وهتلبسيه فتره طويله ف لازم تكون حاجه مريحه ف رجلك وأبعدي عن الكعب العالي والجزم اللي بتلمع.

 

4:بالنسبة للملابس لازم يكون عندك ف دولابك جاكتينجاكت اسود وده هيكون للايام البرد الشديد هتلبسيه علي اي طقم هيدي شكل حلو وكمان هيدفيكي وجاكت جينز ده هنخليه للفتره اللي هي بين الشتا والصيف والايام اللي هي مش برد قوي.

 

5:بالنسبة لالوان اللبس لازم تكون هاديه جدا أياً كان استايل لبسك أيه وتكون متناسقة بلاش تلبسي عشرين لون مع بعض وخليكي فاكرة أن أهم حاجة اللبس يليق عليكي ومتناسق مش مجرد حاجات غالية.

6:بالنسبة الميك أب يفضل متحطيش ميكب لأن اليوم طويل وهيسيح منك ولو متقدريش تستغني عنه يبقى هادي جدا يدوب يحدد ملامح الوجه واهم حاجه وانتي بتشتري الفونديشن اشتري الدرجه لون بشرتك ويفضل بدل الفونديشن Babykrame

7:لو هتحطي الايلينر يكون خفيف خالص مش لازم اللي يشوف عنيكي يفتكر الساحرة الشريرة.

8:حددي عينك بكحل اسود وخصوصا عينك من فوق عشان يبقي شكل عنيكي حلو وممكن تحددي عينك من فوق بكحل اسود وعينك من تحت حطي فيها كحل ابيض بس واياكي تستخدمي أي لون تاني

9:الوان الروج تكون هاديه خالص او ممكن لون الشفايف هاتي الوان فاتحه وبلاش النبيتي والبني الغامق والالوان دي من فضلكوا إنتوا رايخين تتعلموا

10:هاتي نضاره شمس شيك تكون لايقه علي وشك وابقي البسيها عشان تحمي عينك من الشمس.

11:بالنسبه للحجاب بقي لو انتي محجبه بلاش تطلعي شويه من شعرك غطي شعرك كله ادام محجبه وانتي مش رايحه فرح انتي ف جامعه

 

12:ولو بشرتك خمريه يبقي في الوان معينه تليق مع بشرتك زي الكاشمير والكافيه والبيج الغامق والبني بس درجه افتح شويه والجراي

13:اما لو بشرتك فاتحه ف البسي الابيض والارجواني والازرق الفاتح والاخضر الفاتح

 

وأخيراً بلاش تلبسي خلخال انتي رايحه جامعه تتعلمي مش رايحة تشخللي

 

كتبت / إيريني فهمي